ინვესტორთა საბჭოს სამდივნომ, თიბისის მთავარი ეკონომისტის ოფისთან ერთად, სამუშაო შეხვედრა გამართა თემაზე:
“სავალუტო რისკისა და შესაძლებლობების მართვა მულტისავალუტო ეკონომიკებში”
პრეზენტაციას, თიბისის მთავარი ეკონომისტი, ოთარ ნადარაია უძღვებოდა.
შეხვედრისას, სამხრეთ კავკასიის, ცენტრალური აზიის, აღმოსავლეთ ევროპის, ლათინური ამერიკისა და აფრიკის ქვეყნების მაგალითებზე განხილულ იქნა:
- კორპორატიული ფინანსების შესაბამისი მაჩვებელების გამოყენებით, თუ რას ნიშნავს სავალუტო რისკისაგან დაზღვევა
- როგორ უნდა გავითვალისიწნოთ ბიზნესის ციკლურობა და გაყიდვების ფასისმიერი ელასტიურობა
- ასევე ხარჯები, როგორიცაა საპროცენტო განაკვეთები და ვალუტის კონვერტაციები
- და გაცვლითი კურსების საპროგნოზო მაჩვენებლები
დისკუსიისას, სხვადასხვა ქვეყნის ბიზნეს სექტორის, ბანკებისა და საერთაშორისო ორგანიზაციების წარმომადგენლების მიერ აღინიშნა, რომ ჩარჩო საკმაოდ ინოვაციურია, ეყრდნობა როგორც მაკროეკონომიკურ ანალიტიკას, ასევე ბიზნესის პრაქტიკულ გამოცდილებას.
